Ruts bok

Med ei sjeldan kjensle for det som går føre seg mellom menneske, syner Bergljot Nordals roman oss at livet og døden kan vere så mangt.

Rut har lenge ført eit forutsigbart og trygt liv, så då ho vaknar opp til denne dagen der alt kjennes nytt og annleis, skjønar ho at ei endring er undervegs. I møte med den nye mannen som dukkar opp på Bedehuset, vaknar minnene frå dei sterke ungdomsåra i Afrika i henne, anten ho vil eller ikkje. Rut møter att si eiga unge lengt, og innser at ho alltid har lengta, og at ho framleis gjer det.

Bergljot K. Nordal debuterte i 2009 med romanen Magda. Ho bur og skriv i Ål i Hallingdalen.